Automatización para clínicas
Solicitudes de cita que chegan desde distintas canles, cambios de última hora, formularios pendentes, preguntas que se repiten todos os días e unha recepción que ten que estar pendente de todo ao mesmo tempo.
Moitas destas tarefas son necesarias, pero tamén consomen horas que se poderían dedicar a unha atención máis áxil e a organizar mellor o funcionamento da clínica.
Analizamos como traballades, que ferramentas utilizades e que procesos administrativos se poden automatizar para reducir tarefas repetitivas sen complicar a vosa forma de traballar.
Intelixencia artificial para clínicas
Atención automática de solicitudes de pacientes
Horarios, localización, dispoñibilidade, funcionamento das citas, documentación necesaria ou indicacións administrativas son preguntas que se poden repetir varias veces ao longo do día.
Podemos crear un sistema que identifique este tipo de solicitudes, facilite a información correspondente e derive ao equipo aquelas consultas que necesiten atención persoal.
Tamén pode recoller determinados datos antes de trasladar a petición, de forma que recepción reciba a solicitude coa información necesaria para continuar xestionándoa.
Que consegues?
Menos interrupcións por consultas repetitivas, respostas máis rápidas e unha recepción máis dispoñible para as xestións que realmente requiren intervención humana.
Xestión de citas, cambios e cancelacións
Un paciente solicita unha cita desde a web ou envía unha mensaxe para cambiar a que xa ten. Despois, recepción ten que consultar a dispoñibilidade, responder, actualizar a axenda e confirmar o novo horario.
Cando as ferramentas o permiten, podemos conectar eses pasos para reducir o traballo manual.
O mesmo proceso pode adaptarse a cambios ou cancelacións e coordinarse cos sistemas de recordatorios que xa utilice a clínica.
Recuperación de citas canceladas e listas de espera
Cando queda libre unha cita, podemos automatizar o aviso aos pacientes que indicasen previamente que están interesados en adiantala ou que forman parte dunha lista de espera.
O sistema pode comunicar a dispoñibilidade, recoller a resposta e actualizar o proceso cando alguén acepta o oco, sempre que o programa de xestión utilizado permita realizar esa conexión.
Así, recepción reduce o tempo dedicado a localizar pacientes mentres aumenta a posibilidade de aproveitar espazos que quedaron libres.
Formularios e documentación antes da cita
Determinados servizos poden requirir formularios, autorizacións, documentación administrativa ou outros datos antes de que o paciente acuda ao centro.
Podemos automatizar ese proceso para solicitar a información correspondente, comprobar se se recibiu e lembrarlle ao paciente o que segue pendente.
Seguimento administrativo despois dunha cita
Enquisas de satisfacción, solicitudes de recensión, envío de determinada documentación, recordatorios administrativos ou avisos para xestionar unha próxima cita pódense programar en función do proceso de cada centro.
Podemos establecer regras para que estas comunicacións se activen automaticamente cando corresponda, evitando que dependan de tarefas manuais ou recordatorios internos.
Clasificación de correos e solicitudes
Solicitudes de pacientes, documentación, provedores, facturas, comunicacións internas e outras xestións poden acabar concentrándose nunha única bandexa de entrada.
Podemos automatizar unha primeira clasificación para identificar o tipo de mensaxe e dirixila á área ou persoa correspondente.
Cando sexa necesario, tamén se pode xerar unha tarefa, un aviso interno ou un borrador de resposta para determinadas comunicacións administrativas.
Como traballamos?
Cóntasnos onde se acumula o traballo
Pode ser na recepción, na xestión de citas, nos formularios previos ou en calquera proceso administrativo que se repita constantemente.
Non necesitas saber que tecnoloxía podería resolvelo. O noso punto de partida é entender como funciona actualmente.
Analizamos o proceso e as ferramentas
Estudamos que software utilizades, que información intervén, onde se producen tarefas manuais e que posibilidades de integración existen.
Se interveñen datos sensibles, analizamos tamén que ferramentas son axeitadas para procesalos e cales debemos evitar.
Deseñamos e implementamos a automatización
Definimos o fluxo, conectamos as ferramentas necesarias e desenvolvemos as partes que fagan falta para adaptalo ao funcionamento real do centro.
A solución deséñase arredor do proceso, non arredor dunha ferramenta concreta.
Probamos, medimos e axustamos
Comprobamos como funciona en situacións reais e realizamos os axustes necesarios antes de pechar o proxecto.
Cando a automatización dependa de servizos externos ou necesite supervisión periódica, tamén podemos encargarnos do seu mantemento.
Comeza xa a
automatizar a túa clínica
Preguntas frecuentes
sobre a automatización de clínicas
Canto custa automatizar un proceso nunha clínica?
Depende do proceso, do número de ferramentas que haxa que conectar e das posibilidades de integración do software utilizado.
As automatizacións máis sinxelas poden partir duns 800 €, mentres que as solucións que conecten varias canles ou requiran desenvolvementos específicos necesitan unha valoración máis detallada.
Antes de comezar terás un orzamento definido.
Temos que cambiar o noso programa de xestión?
Non necesariamente.
De feito, o primeiro que facemos é comprobar que funcionalidades ofrece o voso software actual e que procesos xa están correctamente resoltos.
O noso obxectivo é aproveitar as ferramentas que xa funcionan e actuar alí onde aínda existe traballo manual innecesario.
Podedes conectar a automatización coa nosa axenda?
Dependerá do programa utilizado e das súas posibilidades de integración.
Algúns sistemas dispoñen de API ou outros mecanismos para conectarse con aplicacións externas, mentres que outros son máis limitados.
Analizarémolo antes de propor unha automatización que dependa desa conexión.
Pode un sistema responder preguntas dos pacientes?
Pode xestionar determinadas consultas administrativas, como horarios, localización, funcionamento das citas ou información definida previamente pola clínica.
Non propoñemos automatizacións que diagnostiquen, interpreten síntomas, recomenden tratamentos ou substitúan o criterio dun profesional sanitario.
Que ocorre cos datos dos pacientes?
Os datos relacionados coa saúde requiren unha protección especialmente rigorosa.
Por iso, antes de utilizar calquera servizo analizamos que información necesita procesar, onde se almacena, que provedores interveñen e que garantías ofrece cada ferramenta.
Non utilizamos información clínica sensible en plataformas que non sexan axeitadas para tratala.
As automatizacións necesitan mantemento?
Depende da solución.
Algúns procesos poden necesitar unicamente axustes puntuais, mentres que outros dependen de API, sistemas de mensaxería, modelos de IA ou outros servizos externos que requiren supervisión periódica.
Se existe mantemento recorrente, incluirase claramente na proposta.
